A comunidade educativa é un dos contextos socializadores por excelencia. Ao seu amparo, alén de adquirir coñecementos, desenvolvemonos como persoas e como parte dun colectivo.
Os centros educativos son un poderoso escenario no que traballar a transmisión e adquisición de valores, actitudes e comportamentos baseados no respecto e na igualdade de trato e de oportunidades para todas e todos.
Esta proposta didáctica consiste na realización de 2 obradoiros sobre Igualdade e Prevención en Violencia de Xénero co alumnado de 4º da ESO da Escola Rosalía de Castro.
Obxectivos:
- Facilitar as ferramentas necesarias para que o alumnado detecte, e identifique, os estereotipos e prexuízos sexistas impostos pola sociedade, que dan lugar a modelos de masculinidade e feminidade, aprendendo a deconstruílos e permitindo a construción de novos modelos de masculinidade e feminidade.
- Que o alumnado aprenda novos modos de relación baseados na igualdade e o respecto.
- Que coñezan o significado da Violencia de Xénero e as súas consecuencias, así como que sexan capaces de identificar relacións baseadas no control e o dominio.
DATAS: 6, 7, 8 e 9 de Maio.
LUGAR: Escola Rosalía de Castro (Vigo).