#CimentandoIgualdade. Obradoiro de Prevención da Violencia de Xénero.
A comunidade educativa é un dos contextos socializadores por excelencia. Ao seu amparo, alén de adquirir coñecementos, desenvolvemonos como persoas e como parte dun colectivo.
Os centros educativos son un poderoso escenario no que traballar a transmisión e adquisición de valores, actitudes e comportamentos baseados no respecto e na igualdade de trato e de oportunidades para todas e todos.
Conxunto de obradoiros para alumnado de 3º e 4º de Primaria do CEIP Plurilingüe de Tirán (Moaña).
Obxectivos:
- Facilitar as ferramentas necesarias para que o alumnado detecte e identifique os estereotipos e prexuízos sexistas, impostos pola sociedade dende idades temperás.
- Tomar conciencia e fomentar a corresponsabilidade no ámbito familiar.
- Aprendizaxe de novos modos de relación baseados na igualdade e o respecto.
- Identificar e diferenciar o bo trato do maltrato.
DATAS: 10 e 12 de Decembro.
LUGAR: CEIP Plurilingüe de Tirán (Moaña).